الفرق بين الظل و الخيال

لأول نظرة علي الكلمتين تحس أن مفيش أي اختلاف وممكن تحس إن الاختلاف واضح وصريح وتقول إن الظل هو الحتة المظلمة اللي بتيجي ورا الجسم لما يبقي قدامه مصدر ضوء و الخيال هو الخيال يعني حاجة ف عقلنا مش موجودة بنتخيلها بلاش ذكاء .. هنا أحنا وقعنا ف حفرة لذيذة كدا إننا فسرنا تفسير فيزيائي ف حالة الظل و تفسير فلسفي أو لغوي ف حالة الخيال.
هنحاول دلوقتي ببساطة نفسر الخيال و الظل من نظر حاجة واحدة وهي الفيزياء و ف الآخر هنحيل علي لينك فيه تفسير فلسفي ولغوي خفيف علشان البوست ميبقاش كبير ، صلو علي النبي و قولو بسم لله
الظل “shadow ” هو المنطقة المظلمة التي تتكون خلف الجسم المعتم عندما يقع أمام مصدر ضوئي دا التفسير العادي بتاع 4 ابتدائي اللي أتعودنا عليه هو تفسير صح 100% ولكن في كلمة ناخد بالنا منها كلمة المعتم ها لأن الجسم لو شفاف مش هيتعمل له ظل لأن الضوء هيعدي منه بمعني أصح الظل هو حجب الضوء ،يعني ايه الكلام دا ؟!
يعني أفرض معايا يا أستاذنا إننا جبنا مصدر ضوئي و حطينا قدام مصدر الضوء دا جسم هنا الجسم هيحجب أشعة الضوء إنها توصل للحائل اللي خلف الجسم فهبتكون منطقة مظلمة هنا اسمها الظل
ولكن هنا بقي في كذا مكون في حالة الظل لأن ورا الجسم ممكن يتكون كذا حاجة ” الظل– مخروط الظل–الظل الخاص – منطقة شبه الظل” وفي شوية حاجات ثانية بس دي في ظروف خاصة للجسم و المصدر الضوئي والحائل المستقبل.
لو جينا للظل shadow نفسه فهو الجزء المظلم إظلام تام خلف الجسم المتكون على الحائل
أما مخروط الظل shadow cone هو الشكل المخروط خلف الجسم إلى الحائل ودا جزء مظلم تماما.
الظل الخاص core shadow دا الجزء اللي في الجسم نفسه مش شايف الضوء بمعني تاني الحتة المضلمة اللي ف الجسم.
و اخر حاجة منطقة شبه الظل light shadow دي اللي فيها شوية كلام بسيط، عندنا ف المصادر الضوئية نوعين حاجة اسمها مصدر ضوئي نقطي point source وهنا بيختفي ال light shadow لما بيتكون الظل، ومصدر ضوئي غير نقطي Extended source زي الشمس مثلا والاشعة اللي بتيجي من المصادر دي بتبقي أشعة متوازية هنا بيتكون و يظهر ال light shadow وبيكون جزء حولين ال dark shadow أو الظل الاساسي الواضح.
الفيديو دا بيوضح الفرق بين الظل وشبة الظل واختلاف الحجم للظل بالنسبة للبعد بين الجسم والمصدر