كالعادة النهاردة جائزة نوبل في الفيزياء وزي ما احنا متعودين كل سنة تكون جائزة الطب في التطور وابحاث التطور وشوية دوشة علي التطور -انا كواحد بيحب الفيزياء وبيكره الاحياء دا شئ ملوش اي اهمية عندي- فجائزة الفيزياء كل سنة بتتكلم عن الكم وفرح الكونتم وشوية دوشة عظيمة ممتعة كدا.

السنة دي الجائزة فعلا مميزة جداا وبتتكلم عن حاجة اسمها التشابك الكمي Quantum entanglement ودي حاجة في تفسيرها قمة الخيال بس الأجمل انك تكون عارفه نسبية عامة وانت بتقرا عنها او علي الاقل شوية اساسيات النسبية العامة.

الواحد بعد كل خبر او حاجة جديدة في الفيزياء ايده بتاخده انه يقعد يدردش ويكتب ويرغي في شوية ظواهر غريبة لكن للاسف ولا الوقت ولا الدماغ تجيب ،ربنا ييسر لو في وقت وقاعدة صفا الواحد ممكن يقول شوية رغي بلا اي هدف غير انه يتكلم في الفيزياء.

نصيحة اخيرة أقرأو عن التشابك وشوفو فيديوهات وأعملو بحث واستمتعو ،الفيزياء ليست حكرا لأحد ولا عمر الفيزياء كانت للعباقرة ،الفيزياء هي التمتع بعظيم خلق الله واطلاق عنان الخيال في ملكوت الله وأداة لزيادة ايمانك 🖤

صباحكم فل.